Allegory

കറണ്ട് പോകുമ്പോള്‍ വെറുതെ ജനാലയിലുടെ പുറത്തേക്കു നോക്കി ഒറ്റയ്ക്ക് നില്‍ക്കുക്ക വളരെ സുഖമുള്ള അനുഭവമാണ്...കവിളില്‍ ചെറിയ തണുപ്പോടെ തട്ടിയുരുമ്മുന്ന ജനാല കമ്പികളും തലമുടിയെ മൃദുവായി തൊടുന്ന ചെറിയ കാറ്റും നാട്ടു വെളിച്ചവും മുന്നിലെ വഴിയിലെ നിശബ്ദതയും അനന്തമായ ആകാശവും ...പിന്നെ ഇടയ്ക്കിടയ്ക്ക് റോഡിലൂടെ കൊഞ്ചി കൊഞ്ചി ഓടി നടക്കുന്ന ഗൌരിക്കുട്ടിയുടെ പട്ടിക്കുട്ടിയും...പക്ഷെ ഇന്ന് അര്‍ദ്ധരാത്രിയിലെ ആകാശത്തിനു ഒരു ഭാഗത്ത്‌ വല്ലാത്ത അരുണാഭയും മറുഭാഗത്ത്‌ കാര്‍മേഘവും കാര്‍മുകിലില്‍ല്‍ തിളങ്ങുന്ന നക്ഷത്രവും...ഒരേ സമയത്ത് മിന്നി മറയുന്ന ചിരിയും കരച്ചിലും പോലെ...സുഖവും ദുഖവും പോലെ...